ETV Esperanto Televido en sia aktuala tema programo tiu ĉi semajno prezentas: Mateo el Kopenhago ĝuas la belan vintran sezonon kaj li parolas pri neĝo kaj glacio. Ding Wei kantas ĉarman arian baladon: "Sola Danco de Sinjorino Neĝo". Andrzej Bach filmraportas pri glitado sur la maro kaj vintra kromnutrado de birdoj. Kaj nepre ĝuu belajn filmbildojn de glitkurado en Nederlando.

ETV Esperanto Televido en sia speciala vintra programo prezentas: Mateo el Kopenhago ĝuas la belan vintran sezonon kaj parolas pri glacio kaj neĝo. Ding Wei kantas ĉarman arian baladon: "Sola Danco de Sinjorino Neĝo". Andrzej Bach filmraportas pri glitado sur la maro kaj vintra kromnutrado de birdoj. Kaj nepre ĝuu belajn filmbildojn de glitkurado en Nederlando.

Junulara muzikgrupo el Bjalistoko, Pollando, kantas "Feliz Navidad" en kelkaj lingvoj, interalie en Esperanto. "Feliz Navidad" estas Kristnaska kanto skribita en 1970 por la portorika kantisto-komponisto Jose Feliciano. La kanto iĝis klasika Kristnasko popola kanto en Usono kaj tra la mondo.

Esperanto Televido hodiaŭ: Feliĉan Kristnaskon kaj Novjaron el Gdańsk-Sopot-Gdynia, Pollando.

Patro Kristnasko ricevas donacojn.Patro Kristnasko malsaniĝas kaj li maltrankviliĝas ke la infanoj ne ricevos donacojn. Sed surprizo atendas lin. Bookbox-filmeto, tradukita de Nicole Else kun voĉoj de Timothy & Olivia Tikker.

Feliĉan Kristnaskon 2014 - Kristnaska saluto de Verda Stacio, kies produktoro Pavel Pavlik estas unu el la plej ĉefaj kontribuantoj al la nuntempe rapida evoluo de televido en Esperanto.

Internacia Zamenhofmemorigo en la belga konsulejo en Sankt-Peterburgo (Rusio), la 15-an de decembro 2013-a, kun Festparolado de prof. J. W. Haazen. Legu pli pri prof. J. W. Haazen ĉe: http://johaazen.weebly.com/esperanto.html

Esperanto Televido hodiaŭ: Andy Hernandez Martinez kuiras burgerojn el avenflokoj. Veganismo estas filozofio kaj vivmaniero, kiu provas kiel eble plej eviti ĉiujn formojn de ekspluato kaj krueleco al bestoj por manĝaĵoj, vestoj kaj aliaj uzoj. Krom tio, ke ĝi ankaŭ subtenas la evoluigon de senbestekspluataj alternativoj, kio servu bestojn, homojn kaj la naturmedion. Lernu pli ĉe: www.veganarto.net

Esperanto Televido hodiaŭ: Emanuele Rovere (Manŭel) kantas "Esperantisto", kun filmbildoj de la klubo-dancejo "Esperanto" en Bonaero, Argentino. Emanuele Rovere estas itala esperantisto, kaj konata kantisto de esperantlingvaj kanzonoj. Laŭ lia propra juĝo, li bone konscias pri siaj muzikaj voĉlimoj, sed li kuraĝis publike prezentiĝi kiel e-lingva kanzonisto de laŭ propraj vortoj "tekstoj ne banalaj sur agrablaj, sufiĉe bonkvalitaj muzikaĵoj", kaj la esperantlingvaj aŭskultantaroj de liaj ĝisnunaj koncertoj tre aprezis liajn prezentojn. Klaku la supran butonon dekstre. 

Esperanto Televido hodiaŭ: Tone kantas kun infanoj en la "Laborejo de la Estonteco", Santos, Brazilo. Tone (Antonio) estas brazila repisto. Li estas ĉefe konata pro la kanto "Nova kanto", kiu debutis en "Pato Branko" dum la 2002-a IJK. Vi neniam forgesos la vortojn: "Es-pe-ranto estas nova kanto,
la via, la mia, la lingvo internacia!". Klaku la supran butonon dekstre.  

"Liza Pentras Bildojn" estas kanto de Esperanta rokgrupo Persone. La kanto estas unu el la plej famkonataj kantoj de Persone. Ĝi estis eldonita en la albumo: "Sed estas ne...". Persone estas muzika triopo, kiu venas el Stokholmo, Svedio. Ĝi ekestis en 1986 por la unua Kultura Esperanto-Festivalo. La nomo Persone daŭrigas la vortludan tradicion (per-son-e) kiun komencis Amplifiki. Ilia muzikstilo estas gitarpopo. Klaku la supran butonon dekstre.

Esperanto Televido hodiaŭ: Jekaterinburga Esperanto-klubo "Arĝenta flamo" salutas surgutanojn. La video estis prezentita en la urbo Surguto dum 2013-a Zamenhof-tago. Klaku la supran butonon dekstre.

Gesa Maria Drozdzewski estas Esperantistino kaj talentoplena pianistino. En biografieto ŝi skribas: "Miaj gepatroj, kiuj ambaŭ ne ricevis muzikan instruadon, frue rimarkis mian muzikecon. Mi estis infano, kiu frue lernis paroli. Mi prezentis miajn unuajn vortojn kaj frazojn, kantanta, lulante en la infanseĝo de la biciklo. Do, en la aĝo de 4 jaroj oni decidis kontraŭ infanĝardeno kaj por "frua muzikala instruado". Kiam mi estis 6 jaraĝa, pianoinstruado komencis." Por legi pli iru al: http://novajhoj.weebly.com/gesa-maria-drozdzewski.html 

"Sintel" estas mallonga fikcia filmo kreita en 2010 per la 3D-ilo Blender. La produktoro de la filmo estas la nederlandano Ton Roosendaal. La filmnomo venas de la nederlanda vorto "sintel", kio en Esperanto signifas "Arda karbo-skorio". Alklaku la ETV programon de la tago supre por spekti.